Pranga përgjegjësit të tatimeve dhe dy inspektorëve në Gjirokastër

Pesë ditë nga operacioni i qeverisë kundër informalitetit ndodhin arrestimet e para.Përgjegjësi i Sektorit te Verifikimeve në terren në Drejtorine Rajonale Tatimore Gjirokaster si dhe dy inspektorë verifikimi po në terren u arrestuan informoi policia sot më 5 shtator 2015. Ndërkohë një inspektore është shpallur në kërkim. Policia e Gjirokastrës informon se arrestimi i tyre u bë pasi:  “Në Këlcyrë, gjatë kontrollit të bërë në dyqanin e shtetasit K.Xh banues në Këlcyrë, këta punonjës kanë shpërdoruar detyrën pasi nuk kanë mbajtur procesverbal konstatimi për gjetjen pa fatura të 230 paisjeve të ndryshme shtëpiake.”
Të arrestuarit janë:
Andi Mëhilli, 33 vjeç banues në Gjirokastër; me detyre Pergjegjes i Sektorit te Verifikimeve ne terren ne Drejtorine Rajonale Tatimore Gjirokaster.
Spiro Muço, 57 vjeç banues në Gjirokastër, me detyre Inspektor i Sektorit te vetifikimeve ne Terren ne Drejtorine Tajonale Tatimore Gjirokaster.
Gligor Kallavaresi, 32 vjeç banues në Gjirokastër, me detyre Inspektor i Sektorit te Verifikimeve ne Terren ne Drejtorine Rajonale Tatimore ne Gjirokaster.
Si dhe u shpall në kërkim shtetësia : A. Gaba, 29 vjeçe , banuese në Gjirokastër përkatësisht me detyrë Inspektore e Sektorit të Verifikimeve në Terren, në Drejtorinë Rajonale të Tatimeve Gjirokastër. Ata akuzohen për veprën penale “Shpërdorim Detyre”.