Prapë kontrata të reja me OSHEE

Janë të shumtë qytetarët që këto ditë kanë pritur në rradhë, për orë të tëra, në Zyrat e Kujdesit ndaj Klientit, të OSHEE-së.

Shkak është bërë nevoja për nënshkrimin e kontratave të reja, deri në datën 31 janar. Në rast të kundërt, sipas punonjësve të OSHEE-së, do të paguhen 20 mijë lekë të reja. Fjala eshte per ata qe kane kontrata provizore.

OSHEE njoftoi se ka zgjatur afatin përtej 31 janarit, duke parë dyndjet e mëdha të qytetarëve në sportelet e saj.

Shkak për radhët e gjata janë bërë një sërë dokumentash që kërkohen nga qytetarët, mes të cilave edhe fotografi të shumta.

DOKUMENTET PËR TË LIDHUR KONTRATËN
PËR ABONENTËT FAMILJARË
1. Kopje e formularit për përditësimin e të dhënave.
2. Kopje e deklaratës për çlirimin e përgjegjësisë.
3. Kopje e librezës ose faturës së fundit
4. Kopje e kartës së identitetit të mbajtësit të kontratës.
5. Kopje e certifikatës familjare.
6. Foto e matësit(nëse ka matës të instaluar)
7. Foto e objektit.
8. Kopje e dokumentit të pronësisë së objektit.
PËR ABONENTËT PRIVAT
1. Kopje e formularit për përditësimin e të dhënave.
2. Kopje e deklaratës për çlirimin e përgjegjësisë.
3. Kopje e librezës, ose faturës së fundit.
4. Kopje e QKR dhe NIPT.
5. Kopje e kartës së identitetit të administratorit.
6. Kopje e dokumentit të pronësisë së objektit.
7. Kopje e projektit elektrik.
8. Në rast se mbajtësi i kontratës ka marrë ambientin me qira, kopje e kontratës së qerasë, bashkangjitur dhe dokumenti i pronësisë së objektit.