Prej disa ditësh i shtruar te “Shefqet Ndroqi”, ndërron jetë nga kororonavirusi piktori Mustafa Arapi

Piktori dhe restauratori i njohur, Mustafa Arapi është ndarë nga jeta në mesnatë. Ai ishte i shtruar në spitalin “Shefqet Ndroqi”, ku po kurohej për koronavirusin.

Lajmin e hidhur të ndarjes nga jeta e bëri me dije vajza e tij, Dorina Arapi me anë të një postimi në rrjete sociale ku shkruan:

“Sot në mesnatë, babi im u largua nga jeta
Drita, dielli, bota, shtylla e familjes sonë u shua.
Ba! Dua të të kujtoj kështu të qeshur gjithmonë!
Të duam përjetësisht!”

Arapi u shtrua në spitalin Covid2 në datë 16 janar. Vajza e tij, Dorina Arapi bënte postime të ndryshme në rrjete sociale teksa falenderonte miqtë dhe dashamirësit për mbështetjen që i jepnin në ditët e vështira.

Mustafa Arapi lindi më 23 korrik 1950 në Tiranë , Shqipëri. Ai u diplomua në Akademinë e Arteve në 1979 me një diplomë në Artet e Bukura.

Pasi u diplomua në Akademinë e Artit nën drejtimin e Skulptorit Shqiptar Kristaq Rama, ai u caktua në Institutin e Monumenteve të Kulturës në Tiranë. Puna e tij bëri të mundur restaurimin e shumë ikonave fetare, afreske, piktura, ikonostas dhe piktura murale në kisha të ndryshme përfshirë Kishën e Shën Nikollës në Shelcan , Kishat e Shën Michael dhe Shën Pjetrit në Vithkuq , Kisha e Shenjtë e Ringjalljes në Mborje , Kisha e Shën Nikollës, Perondi në Berat , Manastiri i Shën Gjergjit në Sarandë , etj. Shumë prej ikonave të Onufrit janë restauruar prej tij.

Ai punoi si profesor në Akademinë e Arteve nga 1985 deri në 1991. Pastaj, gjatë 1993–2006 ai ishte Shefi i Departamentit të Punëve të Artit në Institutin e Monumenteve të Kulturës.