Prej ditësh pa asnjë informacion, nënë e bijë gjenden të pajeta në banesën e tyre
Prej ditësh familjarët nuk kishin komunikuar me nënë e bijë, të moshës 75-vjeçare dhe 54-vjeçe, dhe sot ato janë gjendur të pajeta në banesë.
”Më datë 01.02.2024, rreth orës 16:42, në lagjen nr. 17, Korçë, në banesë, janë gjetur pa jetë, pa shenja dhune shtetaset E. V., 75 vjeçe dhe vajza e saj O. V., 54 vjeçe. Nga të dhënat e para, rezulton se këto shtetase nuk ju ishin përgjigjur në telefon familjarëve të tyre, prej disa ditësh.
Dera e banesës së tyre është hapur nga shërbimet e zjarrfikësve, pasi ishte e kyçur nga brenda. Paraprakisht dyshohet se këto dy shtetase mund të kenë humbur jetë për shkaqe natyrale. Grupi hetimor po punon për përcaktimin e shkaqeve të humbjes së jetës së këtyre shtetaseve dhe sqarimin e rrethanave të ngjarjes”,-thuhet në njofimin e Policisë.
