Preket nga Covid-19 kreu i Dhomës së Tregtisë, shtrohet tek Infektivi

Kreu i Dhomës së Tregtisë, Nikolin Jaka është prekur nga Covid-19. Mësohet se Jaka është shtruar te Infektivi nën kujdesin e mjekëve.

Fatkeqësisht, edhe në 24 orët e fundit kanë ndërruar jetë edhe 2 të prekur nga Covid-19 dhe se janë 64 raste të reja. Një paciente 78-vjeçare nga Tirana, e transferuar nga një spital jopublik, ka ndërruar jetë në Spitalin Infektiv, megjithë trajtimin intensiv në reanimacion dhe një pacient 83-vjeçar nga Durrësi, në terapi intensive, i cili vuante nga hipertensioni.

Shpërndarja gjeografike e rasteve është si vijon: 15 raste në Tiranë, 13 në Krujë, 11 në Shkodër, 7 në Durrës, 4 në Lezhë, nga 3 raste në Kukës, Pukë, 2 në Kurbin, dhe nga 1 rast përkatësisht në Korçë, Elbasan, Vlorë, Berat, Mat dhe Pogradec.