Premtoi dëbimin e emigrantëve, Salvini jep lajmin e keq për të burgosurit shqiptarë

Tha se do deportonte të gjithë emigrantët pa letra, por nuk kishte folur akoma për emigrantët e burgosur.

Fjala është për Matteo Salvini, ministri i Brendshëm italian, i cili ka propozuar rikthimin në Shqipëri të të gjithë të burgosurve me kombësi shqiptare.

Salvini deklaroi: Ne do të kërkojmë marrëveshje me Rumaninë, Shqipërinë dhe Tunizinë për të dëbuar të burgosurit e huaj. Këto shtete janë ndër vendet kryesore të origjinës së kriminelëve në burgjet tona.”

Në burgjet italiane përllogaritet se janë 2.478 shqiptarë, të cilët janë të tretët për nga numri i shtetasve të huaj. Po ashtu ky numër është sa gjysma e shqiptarëve që vuajnë dënimin në burgjet e shtetit tonë.

Nëse arrihet kjo marrëveshje, kostoja do ishte shumë e lartë pasi kapacitetet duhet të dyfishohen, ndërkohë që kapacitetet aktuale të burgjeve shqiptarë janë të pamjaftueshme dhe në kushte aspak të favorshme.