Presidenca sllovene e BE-së, do kërkojë heqjen e vetos bullgare që mban peng Shqipërinë

Presidenca sllovene e BE-së, këtë të martë do të kërkojë heqjen e vetos bullgare që mban peng Shqipërinë, por sidomos Shkupin.

Në një draft të konkluzioneve të përgatitura nga presidenca sllovene e BE-së për këtë takim, merren parasysh edhe raportet e fundit të progresit, të për Komisionit Evropian këto shtete ku thuhet se kushtet për negociatat janë përmbushur. Në këtë dokument rikonfirmohet përkushtimi ndaj procesit të zgjerimit, si politikë kyçe e Bashkimit Evropian.

Presidenca aktuale sllovene e BE-se nënvizon se sundimi i ligjit do të jetë një element kyç, nga i cili do të varet dinamika e përparimit të vendeve të rajonit në procesin e integrimeve evropiane.

Vendeve të Ballkanit Perëndimor u bëhet thirrje që të punojnë për bashkëpunim rajonal, sidomos drejt zbatimit të marrëveshjes për tregun e përbashkët rajonal, si dhe të punojnë për pajtim dhe fqinjësi të mirë.