Presidenti Begaj pret nesër (23 maj) homologen e Sllovenisë, zbulohen detaje nga pritja zyrtare

Presidenti Bajram Begaj do të presë nesër 23 maj, homologen nga Sllovenia, Nataša Pirc Musar, e cila me ftesën e tij zhvillon një vizitë zyrtare në Shqipëri.

Në orën 10:00 zhvillohet ceremonia zyrtare e mirëseardhjes e cila pasohet nga një takim kokë më kokë dhe më pas me takimin e zgjeruar mes delegacioneve të dy shteteve.

Begaj dhe Musar do të kenë gjithashtu një konferencë të përbashkët shtypi të parashikuar në orën 11:20. Gjatë qëndrimit në Shqipëri, Presidentja e Sllovenisë dhe delegacioni që e shoqëron pritet të vizitojnë disa pika tërheqëse turistike të vendit.