Presidenti Hollande bën thirrje për krijimin e një qeverie të eurozonës

Presidenti francez, Francois Hollande, ka bërë thirrje për krijimin e një qeverie të eurozonës, në mënyrë që qytetarët të kthejnë besimin në projektin evropian

Kjo ide fillimisht ishte vënë nga ish shefi i Komisionit Evropian, Jacques Delors, por sot Hollande e ringjalli duke propozuar “një qeveri të eurozonës, me një buxhet të veçantë, si dhe një parlament që do të sigurojë kontrollin e tij demokratik,” raporton Reuters, transmeton Gazeta Blic.

Ai shtoi se 19 vendet anëtare të eurozonës kishin zgjedhur të hynin në bashkim monetar, sepse ajo ishte në interesin e tyre, por që askush nuk kishte ‘marrë përgjegjësi në rast të daljes nga ajo.”

Hollande tha se Evropa kishte lënë institucionet e saj të bëhen më të dobëta dhe ka pranuar 28 anëtarët e BE-së, në mënyrë që të gjejnë një gjuhë të përbashkët dhe të ecin përpara.

“Ajo që na kërcënon nuk është rritja e Evropës, por pamjaftueshmëria e saj,” tha ai.