Presidenti i kërkoi dorëheqjen deri të hënën, reagon Etilda Gjonaj

Ministrja e Drejtësisë Etilda Gjonaj i është përgjigjur akuzave të Presidentit Ilir Meta si pjesëtare e grupit të strukturuar kriminal në grushtin e shtetit që po orkestrohet nga vetë kreu i Qeverisë Edi Rama.

“Jam e gatshme t’i përgjigjem ligjërisht, me të gjithë përgjegjësinë po edhe me krenarinë që i përkas Frontit të Reformës në Drejtësi, denigruesit  botërisht të njohur të kësaj reforme jetike! Sa për dorëheqjen zotëria ka në dorë vetëm të tijën dhe të askujt tjetër.

E përshëndes Presidentin që pas disa shfaqjesh publike pa ekuilibër etik, ka zgjedhur t’i drejtohet SPAK me një kallëzim penal për mua; një marrëzi e radhës po të paktën në rrugë institucionale, madje drejt një institucioni të dalë nga Reforma që ai lufton pa fre!”, shprehet ministrja Gjonaj.