Presidenti Maqedonisë së Veriut: Deklaratat se shqiptarët janë nën 20% janë përralla

Presidenti i Maqedonisë së Veriut, Stevo Pendarovski në emisionin ‘200’ duke folur për regjistrimin e popullsisë tha se të drejtat në Maqedoninë e Veriut nuk duhet të varen nga numrat.

“Janë përralla deklarimet se shqiptarët janë nën 20%”, kështu u shpreh Presidenti i Maqedonisë së Veriut, Stevo Pendarovski ndërsa iu referua regjistrimit të popullsisë, ku theksoi se të drejtat e vendit të tij nuk duhet të varen nga numrat.

I ftuar në emisionin ‘200’, Pendarovski tha se do të kërkojë nga të gjithë partitë politike në pushtet dhe opozitë të mos shohin numrat 3% apo 5% por të drejtat të garantohen.

“Të drejtat duhet të garantohen pavarësisht numrit. Atëherë mund të flasim për përmirësim të gjendjes”, tha mes tjerash Pendarovski.