Presidenti Meta në Vlorë: Votoni. Të fitojë Shqipëria e të tregojmë se jemi vend europian

Ndalesa e radhës e Presidentit të Shqipërisë, Ilir Meta është Vlora, aty ku i bëri thirrje qytetarëve që të dalin të votojnë dhe të ushtrojnë të drejtën e tyre.

”Jam nga Vlora e të gjithë shqiptarëve. Për të ndërtuar të ardhmen e Shqipërisë, duhet pjesëmarrje, pjesëmarrje, e pjesëmarje. Ne e kemi këtë mundësi, dhe duhet ta përdorim atë për të ardhmen e Shqipërisë. Unë besoj shumë që pjesëmarrja është shumë e lartë në të gjithë vendin. Edhe në Vlorë, të tregojmë se kemi një bashkëjetesë demokratike. Të kemi një vend europian dhe t’i japim mesazhin Europës. Ndërkohë apeloj që Policia dhe Porkuroria të hetojë çdo krim zgjedhor. Këtu do jemi sonte”,-tha Meta.

Kreu i shtetit tha se shqiptarët duhet të kryejnë misionin e tyre si qytetarë europianë.

“I ftoj qytetarët të kryejnë misionin dhe të mos harrojnë që për votën e lirë, shumë shqiptarë kanë vuajtur. Kjo mundësi është një domosdoshmëri për të ardhmen e Vlorës dhe Shqipërisë. Besoj që pjesëmarrja e lartë në të gjithë vendin do të vijojë dhe këtu në Vlorë, pavarësisht nga vështirësitë që kanë pasur emigrantët. Ata që vuanin nga pandemia. Vlora i ka të gjitha mundësitë të vazhdojë të japë kontributin e saj në momente historike të vendit. Qytetarët të shkojnë në mënyrë qytetare dhe të tregojnë bashkëjetesë demokratike. Në fund të këtij procesi duhet të fitojë patjetër Shqipëria. Europa dhe gjithë shqiptarët në botë i kanë sytë te Shqipëria sot. Të nisim një epokë të re në Shqipëri, të shenjtërimit të votës.

Nuk mundet një qytetar nesër nëse mungon t’i kërkojë llogari parlamentit, qeverisë që do të krijohet apo presidentit të ri që do të zgjidhet nga ky parlament. Vlora ka qenë, është dhe do të jetë edhe më shumë Vlora me të cilën krenohen shqiptarët. Do të jetë Vlora që në një moment historik do të thotë fjalën e saj. Unë kam shumë besim te Vlora. Unë jam këtu për rëndësinë që ka integriteti i këtij procesi në të gjithë vendin. Të gjithë duhet të jenë pjesë e kësaj dite historike. Sa më e lartë të jetë pjesëmarrja unë jam edhe më shumë optimist, aq më shumë do të shtohen shanset për të çelur negociata. Jemi një popull që kemi reflektuar. Apeloj që policia dhe prokuroria të hetojë çdo krim zgjedhor që mund të ketë ndodhur deri më tani. Për mua është e rëndësishme të fitojë Shqipëria.

I ftoj shqiptarët të jenë pjesë e këtij qëllimi madhor. Shqipëria fiton vetëm duke shkëlqyer sot. Ne prej zgjedhjeve kemi mbetur kaq pas Serbisë dhe Malit të Zi që i kanë çelur negociatat. Vetëm pjesëmarrja e madhe do të na bëjë të mundur ta çelim rrugën tonë drejt Europës dhe të fitojmë edhe kohën e humbur. Ne kemi qenë para tyre. Ne jemi një popull 100% europian”, tha Meta.

Lexoni edhe….

• “Pjesëmarrja masive në votime, shenjë e keqe për qeverinë”
• Video/ Basha voton: Sot është dita e Shqipërisë. Dilni e votoni masivisht!
• Kandidatja e PS në Vlorë shkel ligjin, voton me maskën e partisë
• Presidenti Meta: Votoni për kandidatët më të mirë! Eshtë AKT patriotik për të votuar
• Presidenti Meta: Do jem në Vlorë dhe kudo që njerëzit të kenë nevojë (VIDEO)
• Monika Kryemadhi: Të gjithë të votojnë!
• Denoncimi i Bahri Shaqirit: Grupe të armatosura po u bëjnë presion votuesve
• Ndryshimi i vendbanimit për shkak të tërmetit, qytetarët nuk gjejnë emrat në lista, nga mëngjesi 80 raste
• Luan Rama: Patronazhistët po përpiqen të manipulojnë procesin e votimit!
• “Në një demokraci si kjo e jona asnjë qeveri s’duhet të kalojë më shumë se 2 mandate”