Presidenti Meta pret në takim ambasadorët e vendeve të BE

Presidenti Ilir Meta zhvilloi një takim me ambasadorët e vendeve të Bashkimit Europian në Shqipëri.

Takimi ka nisur rreth orës 09:00 në Presidencë dhe ka zgjatur 90 minuta. Në takim ishin ambasadorët e Francës, Italisë, Spanjës, Britanisë së Madhe, Suedisë, Bullgarisë dhe Republikës Çeke, ndërsa tema kryesore e diskutimit është nisma për ndryshimet kushtetuese që kryeministri Edi Rama ka ndërmend t’i votojë më 30 korrik, duke shkatërruar marrëveshjen e 5 qershorit që u miratua dje në Kuvend.

Detajet e takimit të sotëm pritet që t’i bëjë të ditura vetë Presidenti, pasi si çdo të premte në mesditë zhvillon konferencën me gazetarët.