Primaret e Tiranës, kandidati denoncon rivalët: Po premtohen vende pune në këmbim të votës!
Brenda garës së Primareve në Partinë Demokratike në Tiranë, ka akuza të egra. Një prej kandidatëve, Fatmir Merkoçi flet për pazare që po bëhen për nxjerrjen e kandidatit për Bashkinë e Tiranës. Sipas Merkoçit disa kandidatë po dërgojnë njerëz duke premtuar vende pune në këmbim të votës ose me shprehjen “Është miku i filanit”.
“Votën T’uaj e kërkoj drejtpërdrejt, jo duke ju dërguar sms në cel, as duke ju dërguar njerëz për votën me shprehjen se “Kështu është orjentimi i qëndrës, as se është miku i filanit , as me premtime për vënde pune”, thekson Merkoçi.
Në media është përfolur se kandidati i preferuar i Berishës është Belind Këlliçi, ndërsa nga publiku më i preferuar mbetet mjeku i njohur Ilir Alimehmeti. Mjeku po bën fushatë dhe takime pa premtime për vende pune, por për një Tiranë me të begatë, që të jetë e gjithë qytetarëve.
