Probleme me aparatin e identifikimit biometrik në disa qendra në gjithë vendin

Jo në të gjithë vendin ka nisur normalisht procesi i votimit. Në Berat ka dy qendra votimi, një te pallati i Kulturës dhe një te stadiumi që nuk ka nisur ende procesi për shkak të problemeve me aparatin e identifikimit biometrik.

Kreu i KQZ, Celibashi kërkoi dje se në momentin që pajisja nuk punon, procesi nuk ndalet por vijon në mënyrë manuale, por në Berat këmbëngulin te pajisja.

Probleme me identifikimin biometrik ka edhe në disa zona të thella në veri të vendit. Edhe në Tiranë ka pasur qendra votimi ku votimi vijon në mënyrë manuale.