Projektligji i ri/Të dënuarit deri në 5 vite kalojnë në burgje private

Edhe pse Shqipëria është e prekur nga koronavirusi dhe të gjitha aktivitetit publike janë anuluar dhe institucionet kanë kufizuar punën, Kuvendi vijon punën. Një pjesë e të dënuarve që ndodhen në institucionet e vuajtjes së dënimit së shpejti pritet të transferohen në burgjet private. Kështu u vendos në Komisionin e Sigurisë Kombëtare, ku gjatë seancës të së martës u miratuan ndryshimet që kanë të bëjnë me të drejtat e të burgosurve.

Referuar projktligjit të ri, të dënuarit deri në 5 vite mund të vendosen në burgje private. Nga ana tjetër, për transferimin në burgjet private përjashtohen të burgosurit në ambjentet e sigurisë së lartë që janë të dënuar me burg përjetë, krimet kundër jetës apo seksuale me të mitur.

Një tjetër ndryshim që pritet të realizohet përsa i përket të drejtave të burgosurve është punësimi i tyre jashtë ambjenteve të vuajtjes së dënimit. Punësimi jashtë institucionit i të dënuarve mund të realizohet vetëm nëse lejohet nga drejtori i përgjithshëm i burgjeve kur nuk cënohet siguria.

Mësohet se të burgosurit me vendim dhe të prokurorit të dalin jashtë institucionit të shoqëruar nga personeli dhe të ruajtur nga policia e burgjeve. Gjithashtu me ndryshimet e reja pritet që të burgosurve t’ju hapet rruga për të ndjekur studimet universitare, kjo nëpërmjet sistemit online.