Prokuroria i heq prangat ish-drejtorit të Hipotekës në Elbasan

Prokuroria e Elbasanit urdhëroi sot, 19 shtator 2015,  lirimin e ish drejtorit të Hipoketës Altin Ago si dhe të inxhinierit në  ZVRPP Elbasan,  Mentor Tola dhe juristes së kësaj zyre Alma Pajova.

Tre zyrtarët e Hipotekës Elbasan u ndaluan dje për shpërdorim detyre duke u akuzuar për tjetërsim prone. Sipas prokurorisë, arrestimi i tyre ka qenë i kundra-ligjshëm.

–  “Këta   shtetas  u  arrestuan  nga  efektivat  e   policisë,  pasi   gjatë   muajit  shkurt  2015,    në bashkëpunim me  njëri-tjetrin  dhe në mënyrë të kundraligjshme, kanë falsifikuar dokumentet zyrtare dhe i kanë dhënë dokumenta pronësie me konçesion një firme private,  duke bërë  tjetërsimin  e  pronave  të  banorëve të fshatit Muriqan Elbasan,  të cilët e kanë përfituar me Ligjin Nr.7501 viti 2001″ thuhej dje në deklaratën e policisë. Ata u akuzuan për veprat penale “Shpërdorimi detyre” e “Falsifikim  i  dokumentave e  kryer  në   bashkëpunim.” – thuhej  në  njoftimin e djeshëm të policisë.

Por prokuroria ka rrëzuar këtë pretendim, pas 24 orësh.

Altin Ago ka qenë kandidat në listën për deputetë të PS-së, në qarkun e Elbasanit, gjatë zgjedhjeve të  vitit 2013