Protesta e opozitës, ministri Lleshaj: Ka një prirje për të pasur dhunë

Ministri i Brendshëm, Sandër Lleshaj ishte “I Ftuari” i kësaj të enjteje në emisionin e Endri Xhafos në A2 CNN, ku ndër të tjera foli edhe për protestën që pritet të mbahet ditën e shtunë nga opozita.

Ai u pyet se si i komenton deklaratat e kryetarit të PD, Basha: “Merrni në dorën fatin tuaj. Vendosni ju!”, si edhe ai i druhet një protestë të dhunshme ditën e shtunë.

Ministri Lleshaj u shpreh se ka një prirje për të pasur dhunë në këtë protestë që pritet të mbahet më 16 shkurt.

“Çdo protestë e PD ka qenë më historikja e mundshme. Edhe kjo kështu do të jetë. Kështu u definojnë organizatorët. Sa i përket dhunës, duket se ka një prirje për të patur dhunë, duke iu referuar deklaratave të opozitës”, tha Lleshaj.