Protesta në Korçë për Klodianin, 200 milionë lekë gjobë 4 organizatorëve

Policia e Korçës, ka vendosur një gjobë prej 200 milionë lekësh të vjetra, 4 organizatorëve të protestës që u zhvillua pasditen e së enjtes, për vrasjen e 25-vjeçarit Klodian Rasha.

Organizatorët e protestës janë proceduar nga policia dhe do të duhet të paguajnë secili nga 50 milionë lekë për organizimin e manifestimit, që sipas autoriteteve ka qenë pa leje dhe në shkelje të masave shtrënguese anti-covid.

Dhjetëra persona, kryesisht të rinj, protestuan në Korçë përpara Bashkisë dhe hodhën sende të forta ndaj godinës dhe efektivëve.