Protesta për Xhisielën, thirrja ndaj zv.kryeministres Mesi: Mos e prano në zyrë atë batakçi

Pasditen e sotme, Shoqëria Civile, organizoi një protestë para Kryeministrisë, në përkrahje të Xhisiela Malokut, 25-vjeçares së dhunuar nga Rexhep Rrahja, djali i deputetit socialist, Rrahman Rrahja.

Në protestë kishte pjesëmarrës nga shtresa të ndryshme të shoqërisë, ndërsa ra në sy thirrja e fortë e një banori të malësisë së Pukës, ndaj zv.kryeministres Senida Mesi.

Teksa tha se ka ardhur enkas nga Puka për të marrë pjesë në protestë ai tha:

“Të dashur vëllezër dhe motra, të dashur bashkëqytetar të Republikës së Shqipërisë. Unë jam Isa Shkrel, vij nga fshatrat më të thella të zonës së Pukës. Kam ardhur apostafat. Nuk e ka përdhunuar i biri i Rrahman Rrahjas, përdhunuesi është Edi Rama, e ka përdhunuar Taulant Balla dhe Artur Bushi. Përdhunimin më të madh ia ka bërë parlamenti. I bëj thirrje zv.kryeministres që është grua prej Shkodre. Zonja Mesi, me porosinë e të gjithë qytetarëve të Shqipërisë, mos e prano nesër në zyrë atë batakçi, atë përdhunues, i cili me vendim gjykate 4 gra i ka përdhunuar dhe i ka ndarë”.

/ Faxweb.al