Protestë në Lezhë/Mbështetës të kryebashkiakut mblidhen para komisariatit

Dhjetëra persona janë mbledhur përpara komisariatit të Lezhës në mbështetje të kryebashkiakut të arrestuar Fran Frrokaj.

Simpatizantët dhe mbështetësit e tij janë mbledhur përpara ndërtesës së komisariatit, duke kërkuar lirimin e Frrokajt.

Kryebashkiaku me 12 zyrtarë të tjerë u arrestuan nga policia të premten nën akuzën e përvetësimit të pronave në zonën e Ranës së Hedhun. Zyrtarët janë të arrestuar prej rreth 72 orësh. Ndaj tyre pritet të merret masa e sigurisë.