Protestojnë për aksin Thumanë – Kashar, banorët e Bërxullës bllokojnë rrugën e Rinasit

Për të disatën ditë me radhë, banorët e Bërxullës kanë dalë sërish në protestë për të kundërshtuar aksin Thumanë – Kashar.

Ditën e sotme kjo protestë është shoqëruar me tensione mes banorëve dhe policisë.

Banorët janë ulur në mes të rrugës së Rinasit, duke bllokuar të dy kahet e segmentit, ndërsa efektivët vrapuan drejt tyre për t’i larguar.

Pas tensioneve, banorët ranë në dakordësi për të bllokuar vetëm njërin kah të rrugës.

“Kemi 6 muaj që protestojmë, shteti s’do t’ia dijë fare. I jemi ankuar dhe ambasadave, të gjithë bëjnë sehir. Jemi banorë të këtij fshati, jemi autoktonë. Mirë që e ktheu rrugën na e hodhi gjithë banorëve, por tani pse nuk vjen të na japë përgjigje, vlerësimin e pronave, të banesave, a ka rrugë dytësore?! Për kë punon ky shtet? Ky projekt rruge ka shkelje.
Ervis Berberi, drejtori i ARRSH nuk e di ku është rruga. E ka fajin shteti, ministria e Infrastrukturës”, thanë banorët.