PS-ja fiton me një diferencë të vogël ndaj PD-së në Kavajë

Partia Socialiste ka arritur të marrë shumicën e votave edhe në Kavajë. Menjëherë pasi u mbyll numërimi në KZAZ 42, socialistët shpërthyen në festë.

Sipas të dhënave të përditësuara nga KQZ, pas përfundimit të 90 kutive të votimit, Partia Socialiste ka fituar me 10.338 vota, e ndjekur nga Partia Demokratike me 10.115 vota dhe LSI 1.118 vota.

Etjen Xhafaj, kandidat i PS-së tha se ”Është një fitore e shumëpritur dhe e mirëseardhur. Po rikonfirmohet vullneti i shqiptarëve për të vazhduar me Edi Ramën dhe PS. E sotmja mbaron me fitoren e PS, por jemi bashkëpunues, do punojmë dhe për ata që nuk na votuan”.