PS mbledh Asamblenë, analisti Meçe: Jo zgjedhje të parakohshme, Rama është i konsoliduar

Analisti Arben Meçe, ka komentuar mbledhjen e Asamblesë të PS. Meçe thotë se në fokus të mbledhjes do jetë riorganizimi i partisë, si edhe një analizë se deri ku janë zbatuar direktivat e lënë në Kongresin që u mbledh pak kohë më parë.

“Është asamble që është në rutinën e aktiviteteve. Duhet thënë që janë të organizuar, strukturuar me një formacion të qartë, organizim në ndryshim nga të gjitha grupet e tjera. Është asamble post kongres, disa objektiva janë të shpallura.

Është një asamble që ka të bëjë me probleme organizative, janë që të mbajnë të karikuar këtë parti në kuadër të zgjedhjeve të reja. Krahas 7 platformave programore të qeverisë që u diskutuan qartë në panelet para kongresit dhe pastaj u shpallën nga Rama, jemi në këtë kuadër tashmë.

Do bëhet edhe një analizë deri ku është zbatuar direktiva e kongresit. Iu zgjidh sekretariati, por votëbesimin do e bënte kjo asamble. Është një organizmin tipik partiak”, tha Meçe.

Ai thotë se nuk mund të ketë zgjedhje të parakohshme, pasi Rama është i konsoliduar dhe përballë nuk ka asnjë parti që i rrezikon pushtetin.