PS mbyll fushatën elektorale në Kukës, Balluku: Albert Halilaj ka mbështetjen e plotë të qeverisë

PS ka mbyllur në Kukës fushatën elektorale për zgjedhjet e pjesshme të 24 shtatorit. Gjatë fjalës së saj, Zëvendëskryeministrja Belinda Balluku është shprehur se Albert Halilaj kandidati i PS për bashkinë e Kukësit ka mbështetjen e plotë të qeverisë shqiptare.

Balluku ndër të tjera u shpreh se nja nga planet më të rëndësishme të qeverisë shqiptare është zhvillimi i turizmit malor i prezantuar dy javë më parë në Emiratet e Bashkuara Arabe dhe se sot në Tiranë arrin misioni i fondit të Abudabit për të diskutuar 6 projekte një prej tyre është edhe Shishtaveci.

Ndërsa Drejtuesi politik i Partisë Socialiste për qarkun e Kukësit, Pandeli Majko u shpreh se ne nuk duam një njeri me titull por një kuksianë me emër të mirë.

Ndërsa kandidati Albert Halilaj tha se gjatë katër viteve në vazhdim nën drejtimin e tij Kukësi do të ketë zhvillim të madh.

Fushata elektorale për zgjedhjet e pjesshme për kryetarin e Bashkisë Kukës është mbyllur edhe një koncert festiv me pjesëmarrjen e këngëtarëve të njohur shqiptar e grupe folklorike të zonës së Kukësit.