PS-PD duan ndryshimin e paketës fiskale, por qeveria refuzon

Dy ditë më parë Kuvendi miratoi projektbuxhetin e 2022, përkatësisht me 76 vota pro, 52 kundër dhe 0 abstenim. Si rrallëherë kjo paketë bëri bashkë mazhorancën dhe opozitën, ku gjatë seancës së Komisionit të Veprimtarive prodhuese deputetët kundërshtuan draftin e sjellë nga qeveria.

Deputeti i PS-së, Ismet Beqiraj propozoi disa amendime, për akcizën e gazit dhe rimbursimin e karburanteve në industri të caktuara. Përkundër dakordësisë në komision, përfaqësuesit e Ministrisë së Financave hodhën poshtë propozimet.

Deputeti Agron Duka propozoi edhe shtyrjen e hyrjes në fuqi për ndryshimet që prekin bujqësinë, nisur nga shqetësimet e shprehura nga fermerët dhe grupet e interesit. Propozimet e deputetëve mund të vijnë në formën e amendimeve në seancën plenare ku do të votohet buxheti dhe paketa fiskale nen për nen.