PS rrëzoi hetimin për investimet strategjike, Enkelejd Alibeaj: Skemë korruptive

Enkelejd Alibeaj ka reaguar pasi Konferenca e Kryetarëve e rrëzoi për të dytën herë kërkesën për ngritjen e komisionit hetimor për investimet strategjike.

Alibeaj ka paralajmëruar se do të ndjekin të gjitha rrugët ligjore për komisionin hetimor.

“Skemë korruptive, u shkel Kushtetuta dhe ligji për komisionet hetimore. Kërkuam që të hetoheshin të gjitha pikat e miratuara nga Komisioni për Investimet Strategjike. U shkel kushtetuta për rrëzimin e kërkesës për ngritjen e komisionit hetimor. Do të ndjekim të gjitha rrugët ligjore për komisionin”, shprehet Alibeaj.