PS shpall kandidatët, Pollo: PD s’do ketë persona që kanë probleme me të shkuarën

Ish-deputeti i PD-së dhe anëtari i Komisionit të Rithemelimit, Genc Pollo thotë se të dielën do të zhvillohen primaret, ku më pas do të zgjidhen kandidatët për zgjedhjet e pjesshme lokale të 6 marsit.

Pollo thotë: ‘Nuk janë zgjedhje në rang vendi, çdo bashki, çdo bashki, çdo degë bashkie i di njerëzit e vetë, di kandidatët që kanë dalë. Së shpejti do të shpallen. Gjithë meraku ka qenë që mos të kemi si PS me problem të së shkuarës. Është një përvojë interesante që do akumulohet nga ky proces demokratik që bëhet për herë të parë. Primaret janë përcaktuar si metodë e seleksionimit të kandidaturave të partisë. Kjo nuk po ushtrohet në të gjithë vendin. Në lista nuk janë vetëm anëtarët e partisë, por edhe simpatizantët do të lejohen të votojnë”.