Pse ju fik “kandili” Veliut? Çuçi: Më keni keqkuptuar

Ministri i Brendshëm, Bledi Çuçi ka folur sërish për dorëheqjen e Ardi Veliut nga kreu i Policisë së Shtetit. Një ditë më parë, Çuçi u shpreh se Veliu do të shkarkohej kur t’i mbaronte kandili.

Pas mbledhjes së Këshillit të Ministrave, në komunikatën me gazetarët nga jashtë Kryeministri, Çuçi tha se është keqkuptuar pasi ishte një retorikë e përdorur vetëm me opozitën në Komisionin e Sigurisë.

”Pjesën e kandilit e keni keqkuptuar. Se janë situata në dinamikë komunikimi me opozitën në Komision. Kam vlerësim maksimal për Veliun. Është përgjysmuar numri i vrasjeve. Operacioni OFL. Performanca dhe besueshmëria që është në 65% sot. Sjellim një energji të re për të realizuar objektivat dhe angazhimin në mandatin e tretë”.