“Pse më gërvishte makinën…”/ Si nisi sherri në Elbasan, mbrëmë përfundoi me plagosjen e vëllezërve “trafikantë”

Detaje të reja janë zbardhur nga plagosja e dy vëllezxërve mbrëmjen e djeshme në Elbasan. Mësohet se të plagosur kanë mbetur 2 vëllezër, Erand dhe Egis Bekteshi, të cilët rezultojnë persona me precedentë penalë. Ngjarja ndodhi në ambientet e lokalit dhe pas sharjeve me fjalë, gjithçka përfundoi në përdorimin e sendeve të forta. Autorët janë shpallur në kërkim nga policia ndërkohë që të plagosurit ndodhen në spital jashtë rrezikut për jetën.

Fax raporton se sherri mbrëmjen e djeshme është i lidhur me një konflikt që nisi 9 muaj më parë, më 26 shkurt të këtij viti. Po në lagjen “Haxhias”, gjatë një konflikti për motive të dobëta u qëllua asokohe shtetasi Erand Bekteshi, pa pasoja për jetën. Policia arriti të identifikojë autorët, ndërsa njëri prej tyre, 25 vjecari Rafael Greca u arrestuar më 23 shtator të këtij viti ndërsa mbetet në kërkim miku i tij E.T. Më 26 shkurt kanë qenë duke lëvizur me makinë, kur Erand Bekteshi i ka gërvishtur automjetin pas një konflikti mes tyre dhe ata iu përgjigjën me të shtëna armësh.joq