Pse nuk ikën Vuçiç në Bruksel, ka frikë? Reagon këshilltarja: S’dini asgjë

Presidenti i Serbisë, Aleksandër Vuçiç, tregoi se kishte zhvilluar një bisedoi me kryeministrin Edi Rama dhe me të Maqedonisë së Veriut, Dimitar Kovaçevski, kjo në lidhje me vendimin nëse do të marrin pjesë apo jo në Samitin BE-Ballkani Perëndimor.

Por a ka frikë Vuçiç? Suzana Vasiljevic, këshilltare për median e presidentit të Serbisë, ka reaguar ndaj lajmeve se lideri serb dyshohet se është frikësuar nga udhëtimi në Bruksel, sepse atje e presin presione të reja për shkak të mos vendosjes së sanksioneve ndaj Rusisë.

“Ata që thonë se Aleksandër Vuçiç kishte frikë nga sulmet dhe kritikat e dikujt, padyshim që nuk dinë asgjë për presidentin dhe karakterin e tij, e as për politikën e Serbisë”, tha Vasiljeviç.