Pse u arrestua kryebashkiaku i PS në Bulqizë? Berisha: Nuk pranoi të ikte dhe donte të rikandidonte

Nga Lushnja ku prezantoi kandidatin për zgjedhjet lokale të 14 Majit, Sali Berisha foli edhe për arrestimin e kryetarit socialist të Bashkisë së Bulqizës. Sipas tij, Lefter Alla u arrestua sepse nuk pranoi të largohej dhe donte të rikandidonte më 14 Maj.

“Arrestuan mbrëmë për një tender 2 mln Euro, narkomanin e Bulqizës? A e dini ju pse e arrestuan? E arrestuan se nuk pranoi të largohej, donte të kandidonte patjetër dhe ja mbanin dosjen.

Por ja ku e keni kryebashkiakun e Fierit, i cili tokën bujqësore e shpall tokë truall për të vjedhur, për të ndarë para. Burgosen vartësit, nuk burgoset ai që është kryesori. Këta vjedhin, vjedhin të gjithë”, tha Berisha.