Pukë, kapet autori i vrasjes së punonjësit të hidrocentralit

Arrestohet autori i vrasjes dy ditë më parë në fshatin Kaftall, Enderis Dodaj. Ai vrau me armë zjarri punonjësin e hidrocentralit Petrit Biba 30-vjeç nga Mirdita.

Njoftimi i policisë

Në vijim të informacionit për vrasjen në Pukë ju njoftojme se u ndalua autori i dyshuar i vrasjes të ndodhur ne 8 shkurt 2019 ku mbeti i vrarë shtetasi P. B. Nga strukturat e Drejtorisë Vendore të Policisë Shkodër në bashkëpunim me forcat e Komisariatit të Policisë Pukê u bë ndalimi i shtetasit E.D, 25 vjeç, banues në Tiranë. Materialet iu referuan Prokurorisë Pranë Gjykatës së Shkallës Parë Pukë për veprime të mëtejshme.