Pushimet u kthyen në tragjedi, humbën jetën pasi u helmuan nga kërpudhat në Gjirin e Lalzit

Pushimet e një familje nga Gjilani në Gjirin e Lalëzit u kthyen në një tragjedi të madhe. Elfete, Afrim e Ferzinaze Haliti janë tre pjesëtar të familjes nga Kosova, humbën jetën si pasojë e helmimit nga kërpudhat. Ngjara zë fill që të mërkurën e kësaj jave, kur ata paraqitën simptoma të rënda helmimi, pasi konsumuan kërpudha që i kishin mbledhur vetë në Gjirin e Lalzit, por pavarësisht kësaj ata ndjenjën në shtëpi, duke u drejtuar për në ambulancën e Manzës të enjten në mëngjes, pasi qëndruan në shtëpi 6 orë me dhimbje të forta barku.

Gjendja e tyre shëndetësore u rëndua dhe për këtë u transportuan drejt Tiranës, ku humbën jetën të premten, ndërsa për ngjarjen u raportua vetëm ditën e djeshme. Pritet ekspertiza për të sqaruar çfarë ka ndodhur realisht me tre pushuesit. Policia ka proceduar penalisht për veprën penale “Mjekim i pakujdesshëm”, mjekun Shyqyr Beqajn 54 vjeç dhe kolegun e tij 60 vjeçar.

Familja Haliti, gjyshja Elfete 78 vjeçe, djali i saj Afrimi 56 vjeç dhe gruaja e tij, Ferzinaze, 57 vjeçe, do të përcillen sot për në banesën e fundit, ndërsa lajmi u bë i ditur djali i Afrimit, Haki Haliti. “Miq e dashamirë, këto 3 ditë përjetuam ditët më të këqija të jetës, betejën e humbën që të tre. Ju njoftojmë se nesër, me datë 09.05, bëhet varrimi me ikindi në varrezat e qytetit. Të lutemi për shpirtin e tyre në këto netë të mëdha”, ka shkruar ai në Facebook.