Qëlloi drejt lokalit, kapet 33-vjeçari. I ”zhdukur” që prej korrikut

Gentjan Markaj është vënë në pranga nga Policia në Kurbin. Mësohet se 33-vjeçari ishte shpallur në kërkim që prej korrikut pasi kishte qëlluar me armë zjarri drejt një lokali.

Gjykata e Lezhës ka caktuar ndaj tij masën e sigurisë “arrest me burg” për veprat penale “Vrasja në rrethana të tjera cilësuese”, mbetur në tentativë dhe armëmbajtje pa leje.

”Finalizohet nga Komisariati i Policisë Kurbin, operacioni policor i koduar “Escape”, për kapjen e një shtetasi me rrezikshmëri shoqërore, që ishte shpallur në kërkim. Gjatë operacionit u kap në Fushë Kuqe dhe u vu në pranga shtetasi G. M., 33 vjeç, i cili dyshohet se më datë 31.07.2024, ka qëlluar me armë zjarri në drejtim të lokalit të shtetasit F. S, për motive të dobëta. Materialet procedurale i kaluan Prokurorisë, për veprime të mëtejshme”, njofton Policia.