”Qetësohuni djema”, fjalët e fundit të Islamit që u vra gabimisht nga sherri mes bandës me shqiptarë

Pëllumb Islami u vra pa pasur faj, pas një sherri më armë në ambientet e jashtme të një lokali mes 7 shqiptarëve, në Greqi. Ai u përpoq të dilte jashtë kafenesë në Athinë për t’i shpëtuar plumbave.

“Qetësohuni djema, qetësohuni”, ishin fjalët e fundit që kishte thënë Islami, ndërsa kishte pyetur kamarierin për personat që po konfliktoheshin.

Bashkëshortja e 37-vjeçarit, deklaroi për mediat në Greqi se kanë zbuluar se Pëllumb Islami u përpoq të dilte jashtë kafenesë në Athinë për t’i shpëtuar plumbave.

Pëllumb Islami kishte shkuar në lokalin e lagjes ku banonte, për të pirë një gotë dhe për të parë ndeshjen me miqtë e tij, por një konflikt mes dy grupeve kriminale shqiptare i mori jetën tragjikisht.