Qeveria i përgjigjet PD-së për vaksinën: Po presim për të zgjedhur më të sigurtën

Qeveria shqiptare i është përgjigjur sot kryetarit të Partisë Demokratike, Lulzim Basha pak ditë pasi ky i fundit ngriti shqetësimin se nuk është marrë asnjë masë për të siguruar vaksinën ndaj Covid-19.

Në një inspektim në Qendrën Shëndetësore Nr.6 në Kombinat, ministrja e Shëndetësisë, Ogerta Manastirliu tha se është siguruar vaksina e gripit falas për të gjitha kategoritë në nevojë, ndërsa Bino tha se bota nuk ka zgjedhur një vaksinë të sigurtë, prandaj Shqipëria po pret.

Kreu i PD-së Lulzim Basha i kërkoi qeverisë që të sigurojë fondet e nevojshme për vaksinën Covid-19. Basha akuzoi qeverinë, se deri më tani nuk ka marrë asnjë masë për sigurimin e vaksinës. Sipas tij, vaksina po përgatitet në kohë rekord dhe shumë vende të botës e kanë paraporositur apo kanë ndarë fonde të posaçme.