Qeveria kërkon gaz nga Azerbajxhani për Shqipërinë?

Kryeministri Edi Rama dhe një delegacion i përbërë nga ministra, zv/ministra si edhe deputetë ndodhet në Azerbajxhan. Takimi i parë u zhvillua me presidentin Ilham Aliev.

Mësohet se një prej çështjeve është gjetja e burimeve alternative të energjisë, në kohën kur çmimi i naftës dhe i energjisë elektrike është rritur frikshëm.

Azerbajxhani është një nga vendet me burimet më të mëdha të gazit, si edhe po furnizon Europën përmes gazsjellësit TAP që kalon nëpër Shqipëri.

Marrja e gazit direkt nga Azerbajxhani, do të lehtësonte krizën që ka shkaktuar rritja e çmimeve.