“Qeveria të vëzhgon”, blindohet me kamera sheshi para Parlamentit (FOTO LAJM)

Dita e nesërme pritet që të jetë një ditë jo si të tjerat, kjo për shkak të protestës së opozitës së vendit.

Sipas opozitës, protesta do të nisë në orën 10:00, atëherë kur nis edhe seanca plenare në Kuvend.

Policia e Shtetit do të vendosë në gatishmëri një numër punonjësish policie, pasi bëhet fjalë për ruajtjen e institucioneve të rëndësisë së veçantë.

Ndërkohë vendi pranë parlamentit është blindur me kamera me rezolucion të lartë për të regjistruar e më pas evidentuar çdo person që do të tentojë sulmin ndaj institucionit të Parlamentit.