”Qirje Mitsotaqis”, OMONIA revoltohet me Ramën: Do marrësh përgjigjen që meriton

Bashkimi Demokratik i Minoritetit Etnik Grek, OMONIA është revoltuar me kryeministrin Edi Rama, pas vizitës nga ana e tij në fshatrat minoritarë në Gjirokastër. Ata janë mërzitur pse Rama bëri një video për kryeministrin grek Mitsotaqis, të cilit i drejtohej “Qirje Mitsotaqis”. Në fund, OMONIA thotë se Rama do marrë përgjigjien e merituar nga ata.

”Është i ngrysur thellë së bashku me klikën e oborrtarëve që realizojnë video-live me të, nëse kujton se përcolli për gjumë helenizmin. Lojëra e fjalëve dhe nënkuptimet negative të tij, duke kujtuar se fyen kryeministrin e Greqisë, ia kthejmë sy më sy dhe shumëfish!

Qëndrojmë ballazi përball z. Rama, politikave dhe sjelljeve të tua. Helenizmi di të jetojë në liri dhe të shijojë thellë frytet e lirisë. Kemi regjistruar në kujtesën tonë kolektive gjithë punët e tua dhe aktin e djeshëm. Të jesh i sigurt se për të gjitha do të kesh përgjigjen që meriton”, thuhet në reagim.