Qytetarët “kursyen” gjatë 2018-ës – Ekspertët: Në 2019-ën, zgjedhjet vendore do të qarkullojnë para

Qytetarët shqiptarë janë treguar dorështrënguar sa i takon shpenzimeve gjatë  2018-ës, vit i cili u mbyll me nivel inflacioni në 2 për qind.

Ekspertët e ekonomisë sqarojnë për SCAN se ky nuk është një nivel pozitiv duke qene se mesatarja e vendosur nga Bashkimi Europian është 2-4 për qind, dhe tregon pasigurinë qe konsumatorëve për të hedhur para në ekonomi si dhe trembjen e investitorëve.

Lidhur me pritshmëritë, gjatë këtij vitit, zgjedhjet vendore parashikohet që të rrisin qarkullimin e parasë në ekonomi dhe të kenë ndikim në nivelin e inflacionit.

Një kontribut më të madh në inflacion për vitin 2018 dhanë grupet “qira, ujë, lëndë djegëse, energji”, “transporti” dhe “veshje dhe këpucë”.