Qytetarët sërish në protestë në mbështetje të Palestinës: Populli shqiptar nuk është me Izraelin

Edhe këtë të dielë, si dje qytetarët kanë dalë në protestë për të mbështetur Palestinën. Dhjetëra qytetarë kanë dalë në shesh pasditen e kësaj të diele për të protestuar në mbrojtje të të drejtave njerëzore të palestinezës, teksa protesta ka agravuar duke përfunduar me disa të shoqëruar në Polici.

Protestuesit i kërkojnë qeverisë shqiptare që të mos mbajë anën e Izraelit në këtë luftë që ka nisur me dekada, duke sjellë pasoja të rënda në jetë njerëzish, por jo vetëm. “Kjo është një protestë për liri dhe drejtësi dhe nuk po na lejohet të protestojmë. Është protestë për liri dhe ne nuk po na lejohet që të protestojmë”.

Protesta nisi në sheshin ‘Skënderbej’ dhe vijoi më pas me një marshin drejt rrugës së Kavajës. Kjo është hera e dytë që qytetarët kanë dalë në shesh në mbrojtje të shtetasve palestinez.