Qytetari në Kavajë mban foton e Lulzim Bashës në mur: Unë jam me ty

Kreu i Partisë Demokratike Lulzim Basha këtë të enjte ishte në qytetin e Kavajës, ku zhvilloi një takim më bizneset dhe qytetarët. Gjatë takimit, kreu i selisë blu u ndal tek një biznes i vogël ku është surprizuar, pasi pronari mbante foton e Bashës të ngjitur në mur.

Ai ka thënë se është në mbështetje të Bashës, ndërkohë që ky i fundit iu premtoi qytetarëve se do të kenë një qeveri që u përgjigjet shpresave dhe aspiratave të tyre.

Qytetari: E kam foton këtu. Unë dua të jesh ti mirë. Po ne mirë jemi. Unë jam me ty

Basha: Të japim një mësim të mirë. Kush nuk mban premtimet meriton të largohet. Shqipëria është e shqiptarëve jo e një grushti horrash. Ecin qytetarët e Maqedonisë së Veriut, ecën Serbia. 12 herë më shumë emigrantë nga Shqipëria se Serbia për shkak të keqqeverisjes.