Ra nga 3 metra lartësi, kush është shqiptari që humbi jetën tragjikisht në punë

Një ngjarje e rëndë është regjistruar ditën e sotme në Itali në zonën e Olgiate.

Një 49-vjeçar shqiptar, i cili punonte në ndërtim ka humbur jetën. Sipas mediave italiane, viktima quhet Aleksandër Jaku.

Ky i fundit banonte prej kohësh në zonën e Busto Arsizio së bashku me gruan dhe fëmijët.

Mësohet se Jaku ra nga një lartësi prej 3 metrash, gjatë kohës që po punonte për ndërtimin e një shtëpie.

Në vendngjarje erdhën menjëherë zjarrëfikëset dhe ambulanca, por nuk mund të bënin asgjë për ta mbajtur në jetë.

Autoritetet ndërkohë kanë nisur punën për të gjetur shkaqet e këtj aksidenti.

I pranishëm në kantierin e ndërtimit ishte ishte kryebashkiaku i Olgiates, Giovanni Montano.

Prokuroria menjëherë ka vendosur nën sekuestro kantierin e ndërtimit ku ndodhi ngjarja e rëndë.