Radhë të gjata për të marrë pasaportën
Aktualitet E Enjte, 15 Gusht 2019 11:32
Në policinë e Durrësit ka pasur radhë të gjata në zyrën e shpërndarjes së pasaportave biometrike, ndërsa edhe temperaturat kanë qenë të larta.
Dhjetra qytetarë qëndrojnë në pritje të tërheqjes së pasaportës brenda një ambjenti, ku ndodhet dhe sporteli për pagesat e gjobave.
Për shpërndarjen e pasaportave punohet vetëm me një sportel, ndërsa numri i qytetarëve që nga mëngjesi ka kaluar 150. Nuk kanë munguar dhe rastet e asfiksisë për shkak të mungesës së kondicionimit në ambjentin e qëndrimit të qytetarëve.
