Rakacolli: Po punohet me vendet e BE-së që të njihet pasaporta e vaksinës Sinovac

Zv.ministrja e Shëndetësisë, Mira Rakacolli thotë se pasaporta e vaksinimit për vaksinën kineze Sinovac është në proces njohjeje.

“Pasaporta e vaksinimit për vaksinën jemi në procedurë për njohjen e saj me vendet e BE-së dhe të gjitha vaksinat që janë të aprovuara nga OBSH përfshirë edhe Sinovac njihen. Jemi në procedurë aprovimi. Disa që nuk duan ta bëjnë është zgjedhja e tyre, shteti vetëm vaksinën të ofron ta bësh falas”, tha Rakacolli për ”TCH”.

Deri më tani ende personat që janë vaksinuar me Sinovac nuk u njihet bërja e vaksinës për të udhëtuar jashtë vendit dhe për këtë arsye janë të detyruar të bëjnë tamponin.

”Mbyllja bëhet kur ka rrezik të madh për kolaps të sistemit shëndetësor. Kjo varet nga shërimet dhe ata që sëmuren. Nuk e besoj që do mbyllemi. Të mos arrijmë aty, përveç vaksinimit duhet mbajtur edhe maska sepse është studiuar shkencërisht që mbron”.