Rama dhe Policia thanë se nuk pati DHUNË, por shihni këto FOTO

Aktivisti i njohur Isa Myzyraj, përmes një postimi në facebook, ka demostruar sesi Policia e Shtetit ka ushtruar dhunë ndaj protestuesve. Fotot janë realizuar pasdite, kur një grup studentësh po protestonin paqësisht në  zonën afër Teatrit Kombëtar që u shemb nga Edi Rama.

Të rinjtë kanë hedhur parrulla dhe këndonin, por nuk kanë provokuar asnjë moment policinë. Ndërkohë që forcat e rendit dërhynë dhunshëm dhe i arrestuan.

“Kam vite të tëra që protestoj, dhe raportoj edhe për protesta, por ajo që kam parë sot në mesditën e së dielës, ka qenë një ndër aktet më të rënda që mund ta shihje live, që as nuk mund të përshkruhet në këtë shkrim, dhe as fotot nuk mund ta përcjellin, egërsinë e një shteti mbi qytetarin e vetë. Nuk ka fotografi e video, që e përcjell ashtu si duhet, dhunën e ndodhur sot në mes të Bulevardit Dëshmorët e Kombit, dhunën e shtetit arrogant, e kriminal, mbi qytetarët e saj, të cilët kërkojnë asgjë më shumë sesa drejtësi, e mbrojtje të publikes”,- shkruan Myzyraj në Facebook duke publikuar dhe foto që dëshmojnë për dhunën barbare ndaj të rinjve.