”Rama e mori mesazhin”, Flamur Noka: Deklaratat e Ahmetajt hapën petët e lakrorit të kr*mit

Nga protesta para Parlamentit, deputeti i PD-së, Flamur Noka tha se demokratët janë të bashkuar. Noka theksoi se  kryeministri Edi Rama nuk do ta bëjë gjumin i qetë.

“Ky bashkimi jonë i ka kallur datën Edi Ramës. Sot ai nuk do ta bëjë gjumin i qetë. Ai mesazhin e mori që në fillim që bashkimi i demokratëve nuk ka regjim që i bën ballë, sepse bashkimi i njerëzve të lirë nuk i bëri ballë as Enver Hoxha dhe nuk mund ti bëjë Edi Rama.

Mesazhi i numrit dy të kësaj organizatës kriminale që është Rilindja i hapi petët e lakrorit të krimit. E dëgjuan të gjithë, e pamë se cfarë tregoi, që kjo ngrehinë nuk ka lidhje me qytetarët. Ajo kryeministria nuk është asgjë, përveçse skutë e mafies dhe e krimit ku bëhen pazare për tju vjedhur”, tha Noka.