Rama i dha pension dhe e quajti vrasjen aksidentale, familjarët e Klodian Rashës: Paratë do i japim për bamirësi!

Ka përfunduar vizita e kryeministrit Edi Rama në familjen e Klodian Rashës, 25-vjeçarit, i cili u qëllua për vdekje nga një efektiv policie në orët e para të mëngjesit të datës 8 dhjetor. Në dalje Rama nuk ka dashur që të japë asnjë prononcim për mediat. Ndërkohë, Fax raportoi se jashtë kamerve, familjarë të Klodian Rashës, janë shprehur se pensionin e posaçëm të dhënë nga qeveria për familjen e 25-vjeçarit do e japin për bamirësi.

Megjithatë, ende për vizitën e tretë nuk ka reaguar babai i Klodian Rashës. Ditën e djeshme, vendimin për pensionin dhe quajtjen e vrasjes si aksidentale, Qazim Rasha e cilësoi si një vrasje për herë të dytë nga shteti.