Rama ironizon Berishën: Vjen vërdallë me një vulë në lule të ballit si person ”non-grata”, që u premton shqiptarëve çudira

Nga Lezha ku vijoi këtë të enjte fushata e mbjelljes së pemëve, kryeministri Edi Rama nuk i kurseu ironitë për ish-kryeministrin Sali Berisha, për të cilin tha se vjen vërdallë me një vulë në lule të dallit.

”Vjen vërdallë me një vulë në lule të ballit si person ”non-grata”, që u premton shqiptarëve çudira që nuk bëri kur nuk kishte as damkën. Bashkë me atë tjetrin, dy hije në të shkuarën, dy hije që janë turp dhe duan të kapin ça të kapin.

Një njeri që shkon i jep fytyrën emrin dhe zërin dy hijeve me siguri ka një problem me sistemin e vendimmarrjes, i ka ngel wallpaperi në kokën e vet. Jo se ky është më i miri, por nuk ka më të mirë se ky, janë financimet që flasin se sa mbështetje ka marrë Lezha në këto vite”,-tha Rama.